Yn y bennod hon o Ar y Soffa, mae Kate Woodward a Gwilym Dwyfor yn trafod y gyfres Hafiach.

Wedi’i gosod yn y Rhyl a Phrestatyn, a'i thargedu at wylwyr 13 oed a thu hwnt.

Mae’r gyfres yn dod â materion bywyd go iawn i’r sgrin gan gynnwys profiadau ffoaduriaid, trosedd, yr amgylchedd a heriau mewn perthnasoedd.

Ond a yw 13 oed yn rhy ifanc i wylio’r gyfres?

Beth yw barn Kate a Gwilym?

Cwmni Golwg sy’n cynhyrchu Ar y Soffa – y podlediad sy’n trafod ac yn dadansoddi’r hen a’r newydd yn sîn ffilm a theledu Cymru.

Dyma Golwg yn cyflwyno Ar Y Soffa, y podlediad sy’n trafod a dadansoddi yr hen a newydd yn sîn diwydiant ffilm a theledu Cymru.

Podlediad sy’n cael ei gyflwyno gan Dr Kate Woodward, darlithydd o adran theatr, ffilm a theledu ym Mhrifysgol Aberystwyth, a Gwilym Dwyfor, colofnydd Ar Y Soffa yng nghylchgrawn Golwg.