Os Plans de hoxe albergan unha nova sección, «Na trastenda do negocio», que acollerá unha serie de conversas con algunhas desas persoas que non suben aos palcos pero son trascendentais na industria musical galega. Inaugurámola parlamentando con Josiño Carballo, propietario de Ernie Records e máanager de Carlangas, Ortiga ou Grande Amore, entre outros. Por suposto, non esquecemos revisar a axenda de concertos desta fin de semana, e aí rescatamos unha conversa con Jorge Drexler, que actúa en Ferrol. Ademais escoitamos a Carmen Rey e aous ucranios DhakhaBrakha, que pasarán pola Coruña. Esta semana saúdanos Pili Pampín, que nos presenta «O Galo (Remix)», o tema que ven de estrear xunto con Ortiga, un adianto do que será o seu disco conxunto, editado, precisamente, por Ernie Records.