Contactos
Información
Croeso i Craffu360, podlediad gwleidyddol Cymraeg newydd fydd yn holi rhai o ffigyrau mwyaf dylanwadol Cymru. Bydd Craffu360 yn holi gwleidyddion y gorffennol, y presennol, a’r dyfodol, er mwyn clywed...
mostra más
Croeso i Craffu360, podlediad gwleidyddol Cymraeg newydd fydd yn holi rhai o ffigyrau mwyaf dylanwadol Cymru.
Bydd Craffu360 yn holi gwleidyddion y gorffennol, y presennol, a’r dyfodol, er mwyn clywed mwy am eu credoau a'u polisïau.
Byddwn ni hefyd yn sgwrsio â ffigyrau diwylliannol ledled y wlad er mwyn dysgu mwy am gyd-destun y Gymru sydd ohoni heddiw.
mostra menos
Bydd Craffu360 yn holi gwleidyddion y gorffennol, y presennol, a’r dyfodol, er mwyn clywed mwy am eu credoau a'u polisïau.
Byddwn ni hefyd yn sgwrsio â ffigyrau diwylliannol ledled y wlad er mwyn dysgu mwy am gyd-destun y Gymru sydd ohoni heddiw.
Episodios & Posts
Episodios
Posts
24 JUL. 2026 · Y Gweinidog Cabinet dros Effeithlonrwydd Llywodraeth a’r Cyfansoddiad sydd yn ymuno a’r podlediad i drafod ei weledigaeth gyfansoddiadol i Gymru, gyda chanolbwyntio ar gyfiawnder a phlismona.
Mewn sgwrs hirhoedlog, rydym yn trafod ei ymrwymiad i feicio fel Aelod o’r Senedd, gwylan yn cael damwain ar ei ben, a’r materion mwy difrifol sydd yn debyg o fod ar ei blât ar hyd ei gyfnod yn Llywodraeth Cymru.
22 JUL. 2026 · Yn ymuno’n a’n Gohebydd Gwleidyddol, Rhys Owen, yr wythnos hon yw Aelod y Senedd Llafur dros Gaerdydd Penarth, Huw Thomas.
O dan sylw mae goblygiadau Llywodraeth y Deyrnas Unedig o dan arweiniad Andy Burnham i Gymru.
Mae Huw Thomas hefyd yn trafod penodiad Arweinydd Llafur yr Alban, Anas Sarwar, i Dŷ’r Arglwyddi – rhywbeth mae o’n dweud ei fod wedi “synnu” gyda.
Mae hefyd y mater o Lafur Cymru, a’r angen am drafodaeth dros gyfeiriad y blaid yn symud i mewn i’r dyfodol wedi eu canlyniad gwaethaf mewn etholiad yn oes datganoli.
17 JUL. 2026 · Gyda Phlaid Cymru yn methu a phasio ei gyllideb atodol, mae Efan a Rhys yn trafod be yw’r dyfodol yn edrych fel i Lywodraeth sydd eisiau llywodraethau’n effeithiol.
Wrth i Syr Keir Starmer baratoi i adael Rhif 10 ar ddydd Llun, rydym yn edrych yn ôl ar ei amser o ran yr hyn mae ei ddylanwadu ar Gymru, os unrhyw beth.
Hefyd o dan sylw mae Andy Burnham a’i weledigaeth i Brydain, a be all hyn olygu i setliad datganoledig Cymru.
12 JUN. 2026 · Yn ymuno â Rhys ac Efan heddiw mae'r Llafurwr Owain Williams. Rydym yn pori drwy fethiannau Llafur Cymru a beth mae'n credu sydd angen digwydd nesaf i sicrhau bod Llafur yn goroesi ei her fwyaf: aros yn berthnasol.
Hefyd, byddwn yn trafod dyfodol Swyddfa Cymru o dan brif weinidogaeth bosibl Andy Burnham, a'r ffaith ein bod eisoes dros chwarter y ffordd drwy gan diwrnod cyntaf Llywodraeth Plaid Cymru.
Darllenwch fwy am beth mae Owain eisiau ei weld gan Lafur Cymru yma:https://nation.cymru/opinion/without-reinvention-welsh-labour-is-dead/
4 JUN. 2026 · Rhys a Efan sy’n trafod straeon gwleidyddol mwyaf yr wythnos yng Nghymru, yn cynnwys sesiwn gyntaf Cwestiynau i’r Prif Weinidog i Rhun ap Iorwerth.
22 MAY. 2026 · Wedi seibiant am gwpl o wythnosau, mae ein gohebwyr yn ôl i drafod yr hyn sy’n newydd o fewn gwleidyddiaeth Cymru.
Mae gennym ni lywodraeth newydd, a chabinet i bori drwyddo.
Rydym hefyd yn trafod y pleidiau eraill yn y Senedd. Mae Reform UK yn ymddangos fel plaid sy’n fwy parod i fod yn wrthblaid gadarnhaol nag oedd grŵp UKIP yn ôl yn 2016.
Ond a fydd hyn yn parhau?
Rhys Owen sy’n cymryd ni drwy’r rhesymeg o pam ei fod yn allweddol fod Plaid yn ceisio mynd ati fel plaid leiafrifol drwy gydol y Senedd nesaf.
Rydym yn ateb rhai o’ch cwestiynau ar sut mae’r Senedd am sicrhau cynrychiolaeth ar draws yr etholaethau mawr, a beth sy’n digwydd yn yr ystyr mae aelod yn ymddiswyddo ond does neb arall eisiau’r sedd.
1 MAY. 2026 · Gydag wythnos i fynd tan ddiwrnod yr etholiad, mae ymgeiswyr y pleidiau yn ymuno a Craffu360 ar gyfer dadl.
Efallai nad yw’n syndod fod y sgwrs genedlaethol cyn etholiad yn dueddol o ganolbwyntio ar y materion craidd ein hoes, megis y Gwasanaeth Iechyd ac Addysg.
Ond heddiw, rydym yn pori drwy gynlluniau’r pleidiau ar gyfer yr iaith Gymraeg, y diwylliannau a’r celfyddydau.
Mi fyddwn yn trafod gwariant ar y diwydiannau creadigol, hunaniaeth Gymreig, a sut i sicrhau fod yr iaith yn ffynnu yn hytrach na gostwng.
Yn ymuno a ni mae Tom Giffard o’r Ceidwadwyr Cymreig, Dawn Evans o Lafur Cymru, Mair Rowlands o Blaid Cymru, Tessa Marshall o Blaid Werdd Cymru, a Robert Thomas o Reform UK.
24 ABR. 2026 · Yn ymuno Rhys ac Efan yr wythnos hon mae Owain Williams o Lafur Cymru.
Dan sylw mae ymgyrch anodd hyd yn hyn i Eluned Morgan a’r Blaid Lafur, ynghyd â chynlluniau’r pleidiau ar gyfer tyfu’r economi a symud tuag at Gymru fwy llewyrchus ac iach.
Trafodwn hefyd y Ddadl Fawr ar S4C, a’r hyn a ddysgwyd gan yr arweinwyr a’r ymgeiswyr ar y llwyfan.
Bu hefyd yn wythnos brysur i’r polau piniwn, gyda phedwar cyhoeddiad newydd yn awgrymu patrwm tebyg - ras sy’n tynhau ar y brig rhwng Plaid Cymru a Reform.
17 ABR. 2026 · Er rydym hanner ffordd drwy’r ymgyrch swyddogol, nid yw hi o reidrwydd yn teimlo fod yr ymgyrch wedi sbarduno i mewn i fywyd.
Gyda llawer o ddiddordeb y cyfryngau Prydeinig yn canolbwyntio ar yr ymgyrch yn yr Alban, mae ein gohebwyr, Efan Owen a Rhys Owen, yn trafod lle mae’r pleidiau arni ar hyn o bryd, ac os mae’r deil wedi newid o gwbl.
Hefyd mae’r mater o faniffesto’r Democratiaid Rhyddfrydol.
Yn debyg i nifer o’r pleidiau, nid oedd ei Arweinydd, Jane Dodds, yn gwybod costau ar gyfer polisïau penodol.
Beth mae hyn yn ei feddwl o ran ansawdd ein gwleidyddiaeth ni yma yng Nghymru?
Yn olaf mi fydd ein gohebwyr yn rhoi eu pennau ar y bloc ac yn rhagweld beth fydd yn digwydd yn yr etholiad sydd nawr dim ond tair wythnos i ffwrdd.
16 ABR. 2026 · Mewn cyfweliad hirhoedlog gyda phodlediad Craffu360, mae ymgeisydd Plaid Cymru ym Mlaenau Gwent Caerffili Rhymni, Niamh Salkeld, wedi bod yn datgan beth yw eu cynllun i bobol ifanc.
Mae ymddiriedaeth pobol ifanc mewn gwleidyddiaeth wedi bod yn gostwng yn ganlynol ar hyd y degawdau diwethaf.
Hefyd o dan sylw, mae ‘effaith Caerffili’, a hynny wedi buddugoliaeth Lindsay Whittle yn yr is-etholiad yno.
Croeso i Craffu360, podlediad gwleidyddol Cymraeg newydd fydd yn holi rhai o ffigyrau mwyaf dylanwadol Cymru. Bydd Craffu360 yn holi gwleidyddion y gorffennol, y presennol, a’r dyfodol, er mwyn clywed...
mostra más
Croeso i Craffu360, podlediad gwleidyddol Cymraeg newydd fydd yn holi rhai o ffigyrau mwyaf dylanwadol Cymru.
Bydd Craffu360 yn holi gwleidyddion y gorffennol, y presennol, a’r dyfodol, er mwyn clywed mwy am eu credoau a'u polisïau.
Byddwn ni hefyd yn sgwrsio â ffigyrau diwylliannol ledled y wlad er mwyn dysgu mwy am gyd-destun y Gymru sydd ohoni heddiw.
mostra menos
Bydd Craffu360 yn holi gwleidyddion y gorffennol, y presennol, a’r dyfodol, er mwyn clywed mwy am eu credoau a'u polisïau.
Byddwn ni hefyd yn sgwrsio â ffigyrau diwylliannol ledled y wlad er mwyn dysgu mwy am gyd-destun y Gymru sydd ohoni heddiw.
Información
| Autor | Y Pod Cyf. |
| Organización | Y Pod Cyf. |
| Categorías | Cultura y sociedad |
| Página web | golwg.360.cymru |
| cymorth@golwg.cymru |
Copyright 2026 - Spreaker Inc. an iHeartMedia Company
