Contactos
Información
Àrtzia e setzi a pitzu de su Postali Blues, su podcast nou in lìngua sarda de RTS - Radio Televisione Sarda! Unu viàgiu in undixi puntadas in cumpangia de duus...
mostra más
Àrtzia e setzi a pitzu de su Postali Blues, su podcast nou in lìngua sarda de RTS - Radio Televisione Sarda!
Unu viàgiu in undixi puntadas in cumpangia de duus autistas de ecetzioni, Elio Turno Arthemalle e Emanuele Pittoni, chi ant acumpangiai pasegereus atravessu totu sa Sardigna. Ant a essi viagiadoris berus, de fantasia, poèticus, curiosus, trasseris e brullanus… a dònnia manera po ddu nai in d’unu fueddu sceti: stravanaus!
Postali Blues est unu progràma de Paolo Carboni
Produtzioni: RTS - Radio Televisione Sarda
A incuru de: Elio Turno Arthemalle, Emanuele Pittoni
Regia: Paolo Carboni, Mauro Pes
Scritu de: Elio Turno Arthemalle, Emanuele Pittoni, Paolo Carboni, Salvatore Cubeddu
Registràtzionis audio: Mauro Pes
Fònicu: Giovanni Carlini po Live Studio srl
Sound design, mix audio e musicas: Mauro Pes e Francesco Medda
Produtzioni in sa faidura: Teatro Impossibile
Organizatziòni generàli: Lucrezia Degortes, Maria Elena Garau
Postali Blues est registràu in su studiu de Terra de Punt srl
Distribbuìu de Associazione Culturale Babel
mostra menos
Unu viàgiu in undixi puntadas in cumpangia de duus autistas de ecetzioni, Elio Turno Arthemalle e Emanuele Pittoni, chi ant acumpangiai pasegereus atravessu totu sa Sardigna. Ant a essi viagiadoris berus, de fantasia, poèticus, curiosus, trasseris e brullanus… a dònnia manera po ddu nai in d’unu fueddu sceti: stravanaus!
Postali Blues est unu progràma de Paolo Carboni
Produtzioni: RTS - Radio Televisione Sarda
A incuru de: Elio Turno Arthemalle, Emanuele Pittoni
Regia: Paolo Carboni, Mauro Pes
Scritu de: Elio Turno Arthemalle, Emanuele Pittoni, Paolo Carboni, Salvatore Cubeddu
Registràtzionis audio: Mauro Pes
Fònicu: Giovanni Carlini po Live Studio srl
Sound design, mix audio e musicas: Mauro Pes e Francesco Medda
Produtzioni in sa faidura: Teatro Impossibile
Organizatziòni generàli: Lucrezia Degortes, Maria Elena Garau
Postali Blues est registràu in su studiu de Terra de Punt srl
Distribbuìu de Associazione Culturale Babel
Episodios & Posts
Episodios
Posts
Explícito
20 MAY. 2025 · Aposentus de sa Motoritzatzìoni civili. Duas personas abètant su turnu cosa insoru po registrai s'abilitatzioni po fai servìtziu cument'e autistas de furgonis NCC: is postalis. Po issus est incumintzendi unu traballu nou nou chi ddu su at a portai peri peri in totu sa Sardigna. Elio Turno Arthemalle e Emanuele Pittoni, traballadoris de sa própiu sienda cumandàda de unu misteriosu imprenditori chi de allumìngiu tenit "su svìtzeru", funt is autistas spantosus de Postali Blues.
Explícito
27 MAY. 2025 · Arribant is primus traballus po is duus autistas de su Postali Blues e mancu incumintzau si presentant is primas sfidas: nci est chini de Santu Sparau depit essi ingotu a Ulìana e chini invecias est circhendi anguidda. E in prus calincunu sunfrit sa machina.
In custa sigunda puntada de Postali Blues, Elio Turno Arthemalle e Emanuele Pittoni faint artziai in su postali Srebestianu Puggioni, Luca Marcia, Jacu Culurgioni e Robertu Cogoni.
Explícito
3 JUN. 2025 · Duas psicologas depint arribai in dduna biddixedda de su centru de sa Sardigna po traballai in ddunu centru de ascutu po piciocheddus. Agoa duus musicistas tzerriant po si fai acumpangiai de pressi a sa Festa de sa Mela Pidongia. Totuindduna in unu de is duus furgonis si alluit una spia...
In sa de trees puntada de Postali Blues Elio Turno Arthemalle e Emanuele Pittoni funt is autistas de Damiana Culeddu, Sara Mura, Mateu Leoni e Patrick Atzori.
Explícito
10 JUN. 2025 · Elio at apena acabau de sciacuai su pulminu e mancu a ddu fai a posta si ponit a proi. Agoa àrtziant duus passegerus: funt a sa circa de unu logu in Marmilla innui fraigai unu circu. Unu circu beru cun tendas, acròbatas e giocolieris. In s’interis Lele tenit unu càrrigu chi est prontu a scopiai de unu momentu a s'atru: depit portai a Casteddu unu messàiu cantadori seddoresu chi produxit canciofa e unu musicista de Samassi...e chini connoscit sa zona sciit beni ca sa situatzioni in su postali podit diventai spinosa e pitziosa de unu momentu a s'ateru. Nci ant a arrennesci is duus autistas a serrai su servìtziu custa borta puru?
Ado Sanna, Irene Coni, Randagiu Sardu e Emanuelli Contis funt prontus a incumintzai su viàgiu in sa de cuatru puntadas de Postali Blues.
Explícito
17 JUN. 2025 · In dd'unu logu pagu connotu de sa Barbàgia, Lele carrigat duus piciocus cun bagallius for'e misura: unus cantu de formas de casu afumiau chi prenint totu su cofunu e, unu banconi de unu bar acapiau a cudda manera in pitz'e su postali. Nci dda ant a fai a arribai in Casteddu chentz'e si fai stontonai de su fragu de su casu chi prenit su furgoni e chentz'e perdi su banconi in is curvas?
In s'atru postali Elio est mesu indormiscau e stomi stomi passat de Is Mirrionis a ndi pigai duus passengerus. S'arribu est a Santu Giuanni Suèrgiu. Po no s'annoiai lassant sa 130 po artziai in sa Pedemontana innui no ant a mancai is sorpresas.
Samueli Muscas, Andria Setzu, Diegu Portas Sollai e Nicola Piu funt is passegerus de sa de cincu puntadas de Postali Blues!
Explícito
24 JUN. 2025 · Elio fait artziai una picioca cun dd'una chistionada strana chi studiat recitatzioni in Casteddu. A innui depint andai! Biddeputzi, sa bidda innui est nascia. Prima perou depint andai a ndi pigai unu regista mesu seuesu e mesu pirresu. Is duus passengerus no si funt mai bius e depint girai unu documentariu imparis.
Lele acullit duus musicistas de Cuartu chi artziant in su Postali a ghitarra e launeddas. S'arribu est a Barrua in su Surci innui funt abetaus po sonai in dduna festa stravanada: depint onorai po unu tziu nodiu meda chi fait cent'annus.
Po sa de ses puntadas artziant in su Postali Blues Chiata Porcu, Andrea Deidda, Tonio Pani e Istevini Cara.
Explícito
1 JUL. 2025 · Elio est andendi a Sant'Antiogu, cun duus piciocus de sa siguresa chi funt in missioni po fai unu controllu in dd'unu market. Parit unu viàgiu de nudda... Ma cument artziant in su postali, atacant subitu a chistionai de contus de vida e traballus chi lassant su sinnu!
Lele in dd'una atra parti de sa Sardigna est guidendi po acumpangiai duus piciocus cun sa pròpria idea: arribai a Biddamanna Strisàili po circai unu de is prosciutus prus bonus de sa Sardigna. Ma atentzioni, mirai ca no funt duus passengerus aici tanti po nai: unu est espertu de cument si papat e maistu de birras e unu est ingegneri eletricu e allevadori. Faint traballus aici difarentis ca funt prontus fintzas a guidai su postali blues.
Mateo Matta, Brunu Del Rio, Giorgiu Demurtas, Miali Cinus funt is protagonistas de sa de seti puntadas de Postali Blues!
Explícito
8 JUL. 2025 · Lele acullit in su postali un'esperta de marketing e comunicatzioni e un espertu de pillonis chi fait bivi s'esperientzia de su birdwatching cun su kayak in su stàini de Santa Igia. Lele si ingiogatzat domandendi a s'ornitolugu de fai su struciu de totu is pillonis chi atobiant in su viàgiu.
Elio arribat a Santu Lussurgiu po carrigai unu viagiadori ancora stontonau po totu su fil'e ferru chi at bufau e una picioca chi tenit su pròpriu nomini de una marca se pelati. Imparis depint arribai a Aristanis. Cali est s'idea? Pigai una trumbita.
Custa cosa sonat strana giai giai de s'incumintzu e no sceti po mor'e sa trumbita.
Po sa de otu puntadas de Postali Blues setzint in is sedilis de a palas Fabiu Cherchi, Giusi Carai, Ricardu Pittau, Antonella Puddu.
Explícito
22 JUL. 2025 · Unu produtori e unu criticu musicali teniant unu bisu: andai a Terraba cun dd'una limousine bianca e luxenti. Ma s'agatant in su postali cun Lele. A innui funt andendi? A sa circa de musicistas stravanaus ma pagu connotus in dd'unu festival de mùsica indie.
Elio càrrigat duas farmacistas cun dd'una borsa manna e unu misteru: no narant ita nci est aintru e nimancu a innui funt andendi. Su viàgiu diventat una missioni segreta in su coru de su Campidanu.
Simoni La Croce, Fàbiu Tidili, Georgia Lampis e Franca Gaviano funt is passegerus de sa de noi puntadas de Postali Blues!
Explícito
29 JUL. 2025 · Lele est andendi a sa "Fiera del Gusto" cun dd'unu prodùtori de tzafaranu chi, tra aiàius e sa chistioni de su comunismu, ddi nant in dd'una manera ma si fait tzerriai cun dd'unu atru nòmini. Cun issu in su postali setzit un operadori turìsticu chi ingollit americanus a circai de cumprendi su segretu de is centenàrius de sa Sardigna.
Elio bandat a Biddanoa 'e Tulu po carrigai unu cani de guàrdia mannu mannu. Ma atentzìoni unu de is duus passengerus chi funt viagendi in su furgoni est de Cuartu, e totus scint ca cuartesus e canis no funt pròpriu de ponni impari.
In sa de dexi puntadas de Postali Blues funt viagendi Simoni Scalas, Ivan Cortis, Edoardu Figus, Ulisse Ghiani
Àrtzia e setzi a pitzu de su Postali Blues, su podcast nou in lìngua sarda de RTS - Radio Televisione Sarda! Unu viàgiu in undixi puntadas in cumpangia de duus...
mostra más
Àrtzia e setzi a pitzu de su Postali Blues, su podcast nou in lìngua sarda de RTS - Radio Televisione Sarda!
Unu viàgiu in undixi puntadas in cumpangia de duus autistas de ecetzioni, Elio Turno Arthemalle e Emanuele Pittoni, chi ant acumpangiai pasegereus atravessu totu sa Sardigna. Ant a essi viagiadoris berus, de fantasia, poèticus, curiosus, trasseris e brullanus… a dònnia manera po ddu nai in d’unu fueddu sceti: stravanaus!
Postali Blues est unu progràma de Paolo Carboni
Produtzioni: RTS - Radio Televisione Sarda
A incuru de: Elio Turno Arthemalle, Emanuele Pittoni
Regia: Paolo Carboni, Mauro Pes
Scritu de: Elio Turno Arthemalle, Emanuele Pittoni, Paolo Carboni, Salvatore Cubeddu
Registràtzionis audio: Mauro Pes
Fònicu: Giovanni Carlini po Live Studio srl
Sound design, mix audio e musicas: Mauro Pes e Francesco Medda
Produtzioni in sa faidura: Teatro Impossibile
Organizatziòni generàli: Lucrezia Degortes, Maria Elena Garau
Postali Blues est registràu in su studiu de Terra de Punt srl
Distribbuìu de Associazione Culturale Babel
mostra menos
Unu viàgiu in undixi puntadas in cumpangia de duus autistas de ecetzioni, Elio Turno Arthemalle e Emanuele Pittoni, chi ant acumpangiai pasegereus atravessu totu sa Sardigna. Ant a essi viagiadoris berus, de fantasia, poèticus, curiosus, trasseris e brullanus… a dònnia manera po ddu nai in d’unu fueddu sceti: stravanaus!
Postali Blues est unu progràma de Paolo Carboni
Produtzioni: RTS - Radio Televisione Sarda
A incuru de: Elio Turno Arthemalle, Emanuele Pittoni
Regia: Paolo Carboni, Mauro Pes
Scritu de: Elio Turno Arthemalle, Emanuele Pittoni, Paolo Carboni, Salvatore Cubeddu
Registràtzionis audio: Mauro Pes
Fònicu: Giovanni Carlini po Live Studio srl
Sound design, mix audio e musicas: Mauro Pes e Francesco Medda
Produtzioni in sa faidura: Teatro Impossibile
Organizatziòni generàli: Lucrezia Degortes, Maria Elena Garau
Postali Blues est registràu in su studiu de Terra de Punt srl
Distribbuìu de Associazione Culturale Babel
Información
| Autor | Associazione Culturale Babel |
| Organización | Associazione Culturale Babel |
| Categorías | Ficción , Lugares y viajes , Comedia en vivo |
| Página web | - |
| assotziubabel@gmail.com |
Copyright 2026 - Spreaker Inc. an iHeartMedia Company
